07.05.2010 02:50

Svar bréf til Sveitarstjóra Strandabyggðar vegna svars greinar á Strandir.is



Málefni hitaveitu. Eigendur Hveravíkur vilja koma eftirfarandi á framfæri að gefnu tilefni.

Vegna þeirrar umræðu sem orðið hefur í kjölfar greinar sem við birtum á strandir .is og vef Jóns Halldórssonar, langar okkur að koma eftir farandi á framfæri.
Þegar sveitarstjóri Strandabyggðar nefnir 430 miljónir sem áætlaðan kostnað ,er hún að vitna í skýrsu Fjarhitunar sem gerir ráð fyrir að lögð verði leiðsla frá Hveravík inn að Sandnesi og Þar yfir fjörð, og þaðan til Hólmavíkur. Þessi leið er ca. 8,5 km en við teljum að hægt sé að styttra leiðina í ca 5-6 km. Þess er heldur ekki getið að þegar ráðist er í hitaveituframkvæmdir er upphæð sem samsvarar 8 ára niðurgreiðslu á raforku  til húshitunar á Hólmavík, geidd til verkefnisins, ca 90 miljónir.
Margt fleira má tína til sem við töldum að mætti skera niður, en sú tala sem við vorum að kynna fyrir Sveitarstjórn Strandabyggðar sem kostnaðartala við verkefnið var á bilinu 204 - 221 miljón. Einhver misskilningur er á ferðinni varðandi fjármögnun á hitaveitunnar. Það hefur aldrei hvarlað að okkur að Strandabyggð fjármagnaði þessa framkvæmdir með skatt og þjónustutekjum sínum næstu áratugina.
Eins og kom fram í fyrra bréfinu töldum við áríðandi að velta fyrir sér eignarhaldi á slíku fyrirtæki og töldum best að það væri í höndum Hólmvíkinga sjálfra, og áttum þá aðsjálfsögðu bæði við einstaklinga og fyrirtæki, og þeirra væri þá að sjá um fjármögnun verkefnisin. Það álit okkar að hægt væri að lækka húshitunarkostnað um 20 - 30 % var ekki með neinum bakreikningi þar sem greitt væri sérstakt aukagjald  til eigenda Hveraorku ehf.
Það er hinsvegar ljóst að að það fer enginn út í stofnun og rekstur hitaveitu nema hafa samþykki og samstarfsvilja viðkomandi sveitarstjórnar í málinu því það eru margskonar skipulagsmál o.fl , sem þarf að fara í gegnum stjórnkerfi sveitarfélagsins til að málin gangi upp.
Magnús H Magnússon
Gunnar Jóhannsson