Færslur: 2007 Október

31.10.2007 23:03

Smá myndbrot af síðasta degi októbermánaðar 2007.

Snjómokstur á Hólmavík. Reiðhöllin orðin klædd á Víðidalsá , og þar var líka skjóttur hestur. Útafakstur við Vaðalin á Hrófá. Og svo Kollafjörður, inn til dala



   


 
  




30.10.2007 22:57

Snjórinn er hvítur en klessan er brún. Ógeð.

Það var eftirtektarvert þegar snjó tók að festa hér á Hólmavík og hvert sem litið var voru brúnar hrákaklessur ofaná hvíta fallega snjónum, þó sérstaklega á gangstéttum og í húsaskotum og görðum. Eg er að tala um svonefnt MUNNTÓBAK sem ansi margir ungir sveinar eru farnir að iðka þessa iðju með bölvuðum óþrifnaði sem fylgir þessum andskota. Þegar þetta er skrifað laust eftir kl 22.30 og úti er veður vont, svælings bylur og væntanlega stittir upp og lagast veðrið seint á morgun samkvæmt veðurspá má maður búast við brúnum munn hrákaklessum út um allar götur og stéttir.

Eg er yfir mig undrandi á þessum bölvuðum ófögnuði og óþrifnaði hjá þessum ungu myndar piltum. Þeir þurfa ekki að halda það að þeir njóti meiri kvenhylli með þessari sóðalegri iðju sinni. Eg get ekki ímundað mér það að nokkur stelpa eða stelpur bíti á bragðið hvað þá útþanda efri vörina eins og hún sé að springa af bévætis óþverra. Eg mæli eindregið með því að skólayfirvöld hér á Hólmavík og foreldrar taki þessa sveina á teppið og tali yfir hausamótunum á þeim, sem eru á aldrinum 10 til 15 ára, og útskýri fyrir þeim um hvað málið snýst og hana nú. Hérna eru nokkur orð um þennan bölvaða óþvera, lesið. Munntóbak aubjakk. lydheilsustöd munntóbak. Íþróttir og munntóbak.

29.10.2007 22:32

Meira af vegagerð í Arnkötludal og Gautsdalí í lifandi hristi myndum.

Loksins hefur mér tekist að setja nokkur lélega tekin myndskot inná síðuna. Eg varð að ná mér í annað forrit til að koma þessum myndböndum inn. Eins og áður sagði eru þessi myndskot agalega illa tekin enda er eg einn á ferð, þannig að útkoman verður eftir því. En væntanlega tekur það nokkurn tíma að hlaðast inn hjá þeim sem eru með hæggengar tölvur og netsamband. En allavega verðið þið væntanlega svolítið fróðari um hvað málið snýst. Sex ný innsett myndbönd af Arnkötludal og Gautsdal. Klikkið hér eða á myndbönd hér aðeins ofar. Verið svolítið þolinmóð þetta kemur.

27.10.2007 22:41

Vegagerð í Arnkötludal.



Þá er nú liðin hálfur mánuður síðan að eg fór síðast á vegagerðarslóðir í Gautsdal og Arnkötludal. Vegurinn í Arnkötludal er nánast komin á lálendi og samkvæmt skilti sem eru sett upp skammt frá vegstæðinu er búið að gera akfæran veg nánast hálfa leið af verkinu eða um 12.200 km, þannig að það ætti að nást að gera þenna veg akfæran fyrir næsta haust 2008. En þrátt fyrir það er eg ekki sáttur við vegstæðið efst í Arnkötludal. Eg tók nokkur vídeo skot af þessari ferð minni í dag en eg kem þeim ekki inná síðuna vegna bilunar í vefstjórn 123.is, en myndskotin verða birt um leið og það verður búið að laga bilunina.

24.10.2007 23:06

Hesthús byggt, rjúpurnar mættar, ljósastaur og gatnagerð.

Undanfarna daga hafa hesta og útgerðarbændurnir á Grímsey ST 2 verið að reisa nýtt hesthús á gamla staðnum sem þau hafa notað undanfarin ár, uppaf Mýrunum. Eg veit ekki nákvæmlega hvað þetta hús á að taka mörg hross, en allavega virðist við fyrstu sýn ekki ná nafninu reiðhöll, það er bara hjá Viktori og Steina.

Rjúpan er komin. Í dag voru allmargar rjúpur um alla Hólmavík og voru talsvert á hreyfingu. Á að giska hafa verið um 30 til 50 fuglar að flögra á milli húsa og um Borgirnar og nokkrar lentu á þaki leikskólans Lækjarbrekku. Veiðitímin hefst eftir viku og einungis má hver veiðimaður veiða 7 stk, minn rjúpnakvóti er til sölu hæðstbjóðanda.

Orkubúið var að laga ljósastaur steinsnar frá kirkjunni. Og gatnagerðarframkvæmdir eru að hefjast við Miðtún enda er búið að reisa stórt parhús við götuna þannig að þá verður gatan að vera klár þegar fólk flyst í húsin sem eru að eg held til sölu en verðið á þeim?







  





22.10.2007 22:35

Má bera saman Nv ? bandalagið hf annarsvegar, og söluna á Vís hf hinsvegar.

                                                 
Sverrir Hermannsson íhugar að stefna VÍS hf. Samanburður á N V B.
Mér datt í hug hvort mætti ekki bera saman fyrirtæki sem var óbeint á vegum fyrirtækja innan SÍS keðjunnar, sem var stofnað 1997 af allmörgum fyrirtækjum sem á einn eða annan hátt tengdist áðurnefndu SÍS þáverandi græðgisveldi núverandi auðmanna Íslands. Þetta fyrirtæki hét og heitir í raun enn samkvæmt skattapappírum Norðvesturbandalagið hf . Aðal eigendur á þessu stolna fyrirtæki voru eða eru Kaupfélag Vestur Hún með 133 millur, KSH með 28 millur, Afurðarstöðin í Búðardal með 24 millur, Áburðarverksmiðjan hf með um 14 millur,Byggðastofnun með 10 millur, Skinnaiðnaður hf 12 millur Kjötumboðið 6 millur, Kaupfélag Hrútfirðinga tæpar 10 millur, Vís 5 millur Esso 5 millur, fyrir utan alla hina sem eru um 75 talsins sem settu pening í púkkið. Greitt hlutafé í þessu stolna fyrirtæki var um 280 milljónir, sem er allt glatað í þá ríku sem fengu Elton John í sumar sem leið og punguðu í hann 70 millum. Borgnesingurinn vissi nákvæmlega hvað hann var að gera þegar NV var stofnað 1997 og rúmu ári síðar var hann ásamt hinum Sís þjófunum búnir að hirða allt saman.

Af hverju minnist eg á þetta núna? vegna þess að maður nokkur Sverrir Hermannsson fyrrum bankastjóri Landsbankans var í viðtali við sjónvarpið um helgina og hann sagðist huga að því að stefna gömlu Sís mafíunni Finni Ingólfssyni og Helga Guðmundssyni og Kjartani Gunnarssyni og fleirum Vís ræningjum. Það má vel bera þessi mál saman, NVB var beinleiðis stofnað af toppum gamla SÍS veldisins til þess að á pappírum væri NVB gert gjaldþrota af Goða hf sem síðan var sameinaður við Norðlenska hf á Akureyri. Þannig að þarna koma sömu aðilar að málum eins og Sverrir Hermannsson segir um Vís að ofangreindu aðilar sem hann nefnir séu þjófar og auðmenn Íslands. Hér er viðtal við Sverrir Hermannsson.

               
                
                 

20.10.2007 22:35

Vegurinn á milli Heydalsáar og Þorpa og vel það, er nánast ófær.



 
  
Um miðja þessa viku var Vegagerðin að bera ofaní veginn og efnið var tekið á Klúkumelum í Miðdal. Það efni sem var sett ofaní þennan veg var og er leðjukennd drulla, þannig að vegurinn eins og hann er núna er algjört drullu svað. Og ekki batnaði vegurinn þegar tók að rigna. Alltaf koma sömu holurnar upp ár eftir ár þó að þessar sömu holur sé fylltar af efni. Málið er það að það sem þarf að gera áður en efni er sett á svona holóttan veg sem er þetta. Fyrst þarf að hefla holurnar í burtu áður en efni er sett á veginn, ef það er ekki gert koma alltaf sömu holurnar upp aftur. Nr 1 að hefla, nr 2 að setja malað efni á það svæði sem var heflað og nr 3 ætti skilyrðislaust að valtra/þjappa það svæði sem voru holur, ef það er ekki gert koma alltaf sömu holurnar ár eftir ár. En takið eftir því að flugvöllurinn hér á Hólmavík fékk þetta sama efni sem fór í veginn en munurinn á vellinum og veginum er það flugvöllurinn er holulaus og var valtraður, það er munurinn

19.10.2007 23:02

Hangikjötið reykt og Grundarorkuboltinn lagar ljósaskilti.


     Reykurinn hanns Nonna Lofts er ilmandi góður.



     Vísna og rafvirkjameistarinn hann Viggi að störfum. 

      .Viggi hann vísurnar yrkir
       
vígalegur sprænurnar virkir.
      
Á svölum hjá sveita
      
sá hann að leita,
      
að bilun, hvað á barnið að heita.

17.10.2007 23:06

Strandirnar heilla. 32 mynda seria í glampandi sól.


Mynd númer 5

Mynd númer 15

Dagurinn heilsaði okkur Strandamönnum í morgun með logni og heiðskíru veðri og nokkra stiga frosti. En myndirnar sem ég tók í dag eru eftirfarandi þessar. Hveravíkin er alltaf flott til myndatöku. Og höfnin í Kokkálsvík skartaði sínu fegursta í morgun. Við Bakka í Bjarnafirði var jarðýta að störfum. Vegagerðin var að bera ofan í flugvöllinn og efnið var tekið á Klúkumelunum í Miðdal. Svo eru nokkrar myndir frá Hólmavík. Og Miðdalsgrafarbæirnir eru líka á mynd. Svo er stórbóndinn í Tröllatungu að traktorast. Ein mynd frá Heydalsá, og sömuleiðis ein mynd frá Þorpum, þrjár hænur í sólbaði. Svo var haförn skammt frá Kollafjarðarnesi. Broddadalsáarbóndinn að setja sitt fé inn í hús. Og tvær síðustu myndirnar er teknar skammt frá Tungugrafarhólmunum undan sólu og uppí sólu. Myndasíðan er hér til hægri.

15.10.2007 23:02

Það er kalt á Ströndum.


Í dag hefur verið frekar kalt á Ströndum. Élagangur hefur verið og frost, þannig í Bjarnafirði og yfir Bassastaðarháls og norðanmegin í Kollafirði er hálkan farin að sína sig á vegum. Og samkvæmt veðurspánni verður kuldaboli í það minsta fram á miðvikudagin, en á fimtudag á að hlína talsvert með vætu og sunnanáttum.

Veðurspáin er svona. Norðan 8-13 m/s og dálítil él, en lægir smám saman og léttir til. Hiti í kringum frostmark. Veðurhorfur næst daga. Á miðvikudag:
Hæg suðlæg eða breytileg átt og léttskýjað, en sums staðar súld eða slydda við suðvesturströndina.
Á fimmtudag, föstudag, laugardag og sunnudag:
Suðlæg átt og rigning með köflum, en úrkomulítið fyrir norðan. Milt veður. Hiti 0 til 5 stig á Suður- og Vesturlandi, en annars vægt frost.

13.10.2007 21:40

Vegagerð í Gautsdal og Arnkötludal kannaðar í dag.






  
Í stuttu máli fór eg í dag og kannaði hvað hefði verið gert á þeim hálfum mánuði sem er liðin síðan eg fór þangað síðast. Ofanlega í Gautsdal hefur verið settar talsverðar hækkanar í vegstæðið, enda fer vegurinn ofaní djúpa hvamma og fram af háum moldarbörðum þannig að talsverðar fyllingar verða á þeim óþarfa stöðum. Og frá Þröskuldum og niður efstu drög Arnkötludals hefur verið lagður uppbygður vegur langleiðina þar sem Arkötludalsáin beygjir í efstu drögum dalsins niður sjálfan dalinn. En eg var undrandi í dag að sjá hvar vegurinn á að vera á þessum slóðum. Ef myndirnar eru skoðaðar vel þá sést vel hvar snjór kemur á vetrum. Þannig það þar sem liturinn á landinu er rauðari en annarsstaðar er og hefur verið talsverður snjór undanfarin ár. Þannig að mér líst engan vegin á því hvar vegurinn á að liggja, þó að vegurinn verði talsvert uppbyggður á þessum stað, þá dugar það engan vegin. Línuhönnun hf var ekki með veginn á þessum stað, hann var vestan megin við ána. Það verður að taka það fram að ríkjandi vindátt á þessum slóðum eru norðan og austanáttir sem gera það að verkum að vindstaðan stendur beint upp dalinn, þannig að vegurinn ef hann hefði verið vestan megin við ána þá hefði hann verið nánast snjólaus með öllu. Þannig að eg er undrandi að Stjáni hlykkur yfirverkfræðingur Vegagerðarinnar á þessu verki skuli hafa heimild til að gera svona lagað. Skoðið lifandi myndirnar hér.

12.10.2007 23:02

Tjarnarkvartettinn gerði hallarbyltingu í borg Davíðs.

           

Það var framið valdarán í borg Davíðs í gær. Froðusnakkara Tjarnarkvartettinn með læknir innanborðs gaf Birni Inga sprautu nánast í beinni útsendingu sjónvarps. Björn Ingi hvu átti að vera með flensu, kall skömmin og hann sagðist vera á leiðina í rúmið. En þegar sjúklingurinn fór ekki í rúmið kom doxi með sprautu og sprautaði vesalings kall skömmina svo að hann hresstist það vel að í skjóli myrkurs hóf fjórmenningaklíkan sín störf og úr þessari samsuðu kom og var stofnuð og gert valdarán af hálfu þessara fjórmenninga sem í dag kallast Tjarnarkvartettin með Alfreð Þorsteinsson sem ráðgjafa og stjórnanda þessarar hallarbyltingu í borg Davíðs. Og eymingja Magga Sverris hún virðist eiga hvergi heima. Magga kellingin segist vera Frjálslind óháð, en samt er hún skilin við Frjálslinda flokkinn og gekk yfir til Ómars Ragnarssonar í Íslandshreifingunni, en samt segist hún ekki vera í Íslandshreifingunni. Eyminga Magga. Getur einhver verið óháð eða óháður einhverjum?. Auðvitað er maður háður einhverjum, það er bara hverjum. En grínlaust líst mér engan vegin á þetta hrillilega rán sem var framið í gær. En eg gleymi ekki þeirri setningu sem Dagur B.Eggertsson sagði rétt fyrir síðustu sveitarstjórnarkosningarnar 2005 við Björn Inga sem eru komir í eina sæng, hann sagði skammastu þín Björn Ingi. Er þetta trúverðugt bandalag, aldeilis ekki.

11.10.2007 23:05

Góðviðri á Ströndum í dag. Og pósturinn myndbloggar.


Eg er afskaplega ánægður með daginn í dag, gott veður hvert sem litið var og farið, allir á fullu að klára óunnin verk fyrir veturinn sem er rétt handan við hornið. Myndirnar hér eru eftirfarandi í réttri röð. Hella, ofurkappin Árni Kópsson kafari ásamt mörgu öðru var í morgun að hefja tilraunaboranir eftir heitu vatni við fjöruna á Hellu. Svanshóll, vegagerðarmenn voru að bera ofaní veginn heim að Svanshóli. Hólmavík, smiðir eru á fullu við að byggja parhúsin við Miðtún og gengur verkið bara vel, en liturinn á þessum húsum er frekar í lakara laginu. Kollafjörður, út af ruslagáminum sem er á milli bæjanna Broddadalsáar og Broddanes voru nokkrir stórir selir að spóka sig í dag, og rétt fyrir innan Broddanes fór pósturinn ofaní fjöru og tók mynd af Kollafjarðarnesi sem er til sölu ásamt tveimur öðrum ríkisjörðum hér í Strandabyggð sem eru Kleifarkot og Syðri-Bakki.









  









10.10.2007 09:19

Hugleiðingar um heimsmeistaratitilinn

 mynd mynd mynd

Úrslitin í heimsmeistaramótinu munu ráðast í lokamótinu í Brasilíu og Lewis Hamilton á enn mesta möguleika. Hann er með 107 stig á móti 103 stigum Fernando Alonso og 100 stigum Kimi Raikkönen. En heimamaðurinn Felipe Massa gæti orðið hans mesta martröð. Hann vann mótið í fyrra og mun styðja við bakið á Raikkönen.

Massa náði besta tíma í tímatökum í fyrra og leiddi frá upphafi til enda og varð fyrsti brasilíski ökumaðurinn til að vinna síðan Ayron Senna árið 1993. Rétt eins og núna þá var Massa ætlað að styðja við bakið á Michael Schumacher í titilbaráttunni, en það gekk ekki eftir þar sem Michael Schumacher gekk mjög illa og Massa gat ekki komið honum til hjálpar.

Til að landa titli þarf Raikkönen að vinna og að Massa verði í öðru sæti, Alonso þriðji og Lewis Hamilton sjötti eða neðar. Það er því við ramman reip að draga fyrir Raikkönen, sem vann 200 sigur Ferrari um helgina.  Það yrði þó sýnu verra fyrir Hamilton að Alonso næði forystu í keppninni og báðir Ferrari bílarnir yrðu á milli hans og Alonso. Þá yrði Alonso heimsmeistari. .  Ef Massa vinnur mótið þá nægir Hamilton fjór fjórða sætið til að vera meistari.
Hamilton stefnir alltaf á sigur í hverju móti og þó hann segist þegar hafa gleymt martröðinni í Kína, þá hlýtur það að hafa einhver áhrif á kappann. Massa mun sæta færis á sigri, ef Raikkönen er ekki í stöðu til að vinna mótið. Tímatakan hefur ráðið miklu um úrslit mót og það verður því hart tekist á henni að vanda.  Massa mun njóta stuðnings heimamanna og ekki ólíklegt að það muni færa honum einhver sekúndubrot, aukalega.

07.10.2007 23:21

Þjóðtrúarstofa og Þróunarsetur á Hólmavík, hvað er það?

Mynd númer 12

Eg hef verið að velta því fyrir mér í nokkra daga hvaða fyrirbæri væru það sem á að fara stofna hér á Hólmavík. Þjóðtrúarstofa hvaða fyrirbæri er það? þjóð ? trúar ? stofa. Skoðið nafnið Þjóð, þjóð er það ekki Ísland, trúar, einhverskonar trú á að stunda í þessu fyrirtæki? , og stofa, nafnið stofa er þegar var gengið inní baðstofu og eða bara stofu. Og í stofunni ef eg skil nafnið rétt Þjóðtrúarstofa þá verða þeir sem koma inní þessa Þjóðtrúarstofu að iðka sína trú hver sem hún er inní þessari stofu. Kanski er þetta vísir að hofi, eru það ekki búddistar sem kirja sinn alla alla daga. Annars veit eg ekkert um hvað er að ske á þessum vettvangi. En nafnið er eftirhermulegt og lyktar þannig að líklega verður þetta fyrirbæri á ríkisjötunni í náinni framtíð.

En hvað er þá Þróunarsetur. Væntanlega ef maður skoðar nafnið rétt þá hlítur að vera einhversskonar þróun að eiga sér stað á setrinu. Það er bara spurning hvað eigi að þróa í þessu Þróunarsetri. Þar mun kanski vera hægt að þróa fleiri störf til Hólmavíkur, hver veit. En eg er ekkert hrifin af þessum eftirhermisnöfnum sem enda á setur og eða stofu. Það er til fullt af miklu betri nöfnum en þessum. Og að lokum væri gaman að fá að vita hverjir stæðu á bak við þessi væntanlegu fyrirtæki sem hvu eiga að vera á Hólmavík, og í hvaða húsi eða húsum.    Hér er fréttin um um þetta.

05.10.2007 23:26

Laxagirni vafið um fót á kind í Selárdal.










Um síðustu helgi þegar Guðbrandur Sverrisson á Bassastöðum ásamt fylgdarliði var að smala Hvannadalinn og líka Selárdal, löbbuðu smalamenn fram á kind sem hefði stigið í laxagirnisflækju sem einhver laxaslóði hefði skilið eftir með þeim afleiðingum að kindin var með girnið vafið um fótin alveg innað beini eins og myndirnar bera með sér. Aumingja kindin haltraði niður Selárdalin örugglega sárkvalin í fætinum. Svona gera veiðimenn ekki. En ef þessi laxagirniseigandi sem skildi þetta girni eftir við ána og hann sjái þessar myndir þá má hann skammast sín. En vonandi nær kindin fullum bata á sínum fæti.
Myndir Guðbrandur Sverrisson.

04.10.2007 22:50

Er einhvað að frétta frá Hólmavík.



Er gamli Búnaðarbankinn að lognast út af hér á Hólmavík?

Í gær mundi eg ekki eitt eða neitt um einhverjar fréttir. En þegar eg ók í morgun fram hjá gamla bændabankanum sem í dag að mig minnir að muni heita Kaupþing banki eða KB banki hafi í fyrradag sent inná hvert heimili hér á Ströndum, snepil um að það eigi að draga úr þjónustu bankans við okkur aumingjana sem búum á þessum stað.  En hvað þýðir það að draga úr allri þjónustu sem er í bankanum? . Kaupþing ætlar bara að hafa opið eftir hádegi og segir upp 2,2 starfígildum, ég hef fyrir satt að þær séu að hætta á helginni Signý og Birna Rikk.

Hvar er þenslan á Hólmavík.  Það er verið að slá á þensluna hjá sveitarstýrunni á Hólmavík á margan hátt.  Kaupfélagið ætlar að flytja framkvæmdastjórann hjá Hólmadrangi til Sauðarkróks, því það gengur ekki að hafa hér rækjuvinnslu sem gengur betur heldur en þær flestar á landinu. Það er ekki til siðs hjá KSH að standa sig vel.  Svo held ég að Bryndís taki við af Jóni Alla þegar fram líða stundir. Guð minn almáttugur þá breytist ekki eitt eða neitt. Sami helvítis hávaðin frá planinu, svefntöflur etnar sem aldrei fyrr, lúft hlæjandi stauragirðingin sem er stjórn ksh til ævarinnar skammar ásamt öllu draslinu sem er innan lúftgirðingarinnar.   Sumsé að niðurstaðan þessa pistils er eftirfarandi svona. Bændabankinn gamli (hér á Hólmavík) er nánast að loka, þar er ekki þensla, bara syðra, þar er fólki sagt upp. Gulli í Hólmadrangi fer innan tíðar til Sauðárkróks, er þensla í Hólmadrangi, svarið er örugglega nei. Og örugglega er ekki nein þensla í ksh búllunni né annarstaðar á Ströndum. Það er kannski þensla hjá sjálfri sveitarstýrunni. Allavega er engin þensla hjá mér.

03.10.2007 22:35

Svo sem ekkert að frétta.

Mynd númer 1

Mynd númer 5

Af Strandasvæðinu er svo sem ekkert að frétta sem eg man eftir í fljótu bragði. En eg læt duga í þetta skiptið að láta myndirnar sem eru hér tala sínu máli.

01.10.2007 22:59

Stjörnumerkin í rúminu;* . *************************************

         ****************************************************************************                

Vatnsberi(20.jan - 18.feb.
Vatnsberinn þarf fyrst og fremst þolinmóðan, skilingsríkan og hlýjan bólfélaga. Rúmið þarf að uppfylla væntingar hans svo hann fái notið sín.
- Hræðist náin kynni.
- Feiminn en auðmjúkur
- Hann er yfirleitt feiminn
- Svolítið tilbaka í persónulegum samskiptum
- Fæstir komast í gegnum skelina og kynnast honum náið
- Hógværð hans er heillandi í rúminu
- Á erfitt með að vera opinnn og óheftur í rúminu
- Laðar að sér fólk sem hann þráir, slík er hugarorka vatnsberans
- Vill deila miklum tíma með elskhuga sínum í rúminu
- Getur verið allt með elskhuga sínum; jafningi, ástmaður, kennari, einlægur vinur og bólfélagi .

Fiskur(19.feb - 20.mars)
Fiskurinn er stórkostlegur elskhugi svo lengi sem honum finnst hann vera verndaður tilfinningalega og elskaður alla leið. Vandræðin hljótast eingöngu ef fiskurinn elskar sjálfan sig ekki nóg.
- Dularfullur, fallegur, rómantískur í rúminu
- Oft flæktur í eigin tilfinningar og nær því ekki að einbeita sér nóg
- Á það til að forðast velgengni og eyðir lifi sínu í dagdrauma.
- Gæddur mjúkum, rafmögnuðum ákafa eins og nýtur þess að kúra
- Nýtur þess að láta drottna yfir sér (í rúminu) en stefnir um leið að því að hafa stjórn
- Vill að kynlífið sé skemmtilegt, margslungið og tilbreytingaríkt
- Kynlífið er könnunarferð í huga fisksins
- Hann leitar að sameiningu ástar og kynlífs með elskhuga sínum
- Leitar eftir samböndum sem fylla hann von og ást
- Hann heldur tryggð við konuna sem hann fellur fyrir .

Hrútur(21.mars - 19.apríl)
Hrúturinn nálgast kynlífið eins og allt annað í lífinu: hvatvís og kappsfullur. Hann er opinn fyrir öllu en elskhugi hans ætti ekki að spyrja hann um morgundaginn því hann er ekki fyrir kynferðislega einokun.
- Sængurver úr silki eða satín eflir hvatir hrútsins
- Rómantískur, ástríðufullur, kynferðislegur og lostafullur
- Kröfuharður og fyrir honum er rúmið orustuvöllur nánast
- Elskhugi hrútsins þarf að þola sálrænt ástand og geta sætt sig við þá orku sem fylgir reiði og ákveðni og ekki síður orku ástarinnar
- Líkar vel að skreyta rúmið með óteljandi púðum
- Næmur, heiðarlegur og hefur óbeit á uppgerð í rúminu
- Þolir ekki að láta sér leiðast
- Hann er hvetjandi og drífandi.
- Hann tilheyrir eldmerki: trygglyndur og örlátur á atlot og strokur
- Hann þarfnast félaga sem er jafn ákveðinn og hann í rúminu .

Krabbi(22.júní - 22.júlí)
Krabbinn er feiminn en hefur ríka kynhvöt.Kynlíf er krabbanum kjarni lífsins og tal hans, lykt, matargerð og bros geisla af kynþokka
- Hart rúm stuðar krabbann nánast
- Vill sökkva með elskhuga sínum inn í nóttina áhyggjulaus og frjáls
- Næmur á fólk og umhverfið og kýs þess vegna snyrtilegt mjúkt rúm
- Næmi og innsæi hans eru slík að hann er mjög viðkvæmur fyrir rúminu
- Allra manna þolinmóðastur í rúminu
- Ástarvef sinn vefur krabbinn fínlega og dramatískt í rúminu
- Púðar skipta engu máli heldur þarf rúmið að vera hreint og fallega búið
- Flekandi og föðurlegur í samskiptum við elskhuga sína
- Leitast við að prófa sig áfram í rúminu .

Ljón(23.júlí - 22.ágúst)
Stærsta vandamál ljónsins er óraunhæfar væntingar í rúminu. Það vill hart stórt rúm og kýs helst að sofa,lesa,elskast og borða í rúminu allan sólahringinn.
- Geislar af sjálfsöryggi og reisn í rúminu (sjálfsöryggið ómótstæðilegt).
- Getur verið ákaflega kröfuhart við elskhuga sinn og jafn örlátt
- Svo fremi sem því finnst það vera elskað eða eftirsótt þá er það nokkuð öruggt í rúminu
- Þegar það er ástfangið reynir það í sífellu að sigrast á tregðu sinni til að leggja eitthvað á sig fyrir aðra
- Kýs tvær sængur því það gefur ekkert eftir í svefni og vill helst hafa sængina milli læranna
- Ljónið þarf ástvin sem skilur eigin væntingar varðandi athafnir í rúminu svo hann geti aðstoða það við að verða meðvitað um sínar
- Elskhugi ljónsins þarf að búa yfir óbugandi þolinmæði í rúminu
- Auðmýkt ekki til í ljóninu
- Með skjalli er hægt að láta það gera hvað sem er í rúminu .

Naut (20.apríl - 20.maí)
Nautið þarf þægilegt rúm og elskhuga sem endurspeglar styrk þess og tilfinningalegan stöðugleika í rúminu.
- Ímyndunarafl er óþarft ef nautið er ánægt
- Mjög rómantískt og viðkvæmt
- Blítt, fálátt og feimið í rúminu
- Þægindi og ánægja skipta nautið miklu máli og þá eru þægilegir koddar mikilvægir
- Staðfast og heimakært og kýs því þægilegt rúm sem kallar á það í hvert sinn sem það kemur heim eftir erfiðan dag
- Er mjög gefandi í samskiptum við elskhuga sinn í rúminu
- Það er opið til líkama, sálar og anda
- Þegar því líður vel í rúminu gefur sig allt .

Tvíburar(21.maí - 21.júní)
Skilmálar í rúminu er eitthvað sem tvíburinn hreinlega þolir ekki. Hann er hamingjusamastur þegar hann elskar og nær að hvílast vel.
- Skemmtilegur og örvandi í rúminu
- Honum verður aldrei orðavant þegar elskhugi hans nennir að kjafta alla nóttina
- Mjög heillandi elskhugi og tillitssamur svo lengi sem hans helmingur(í
rúminu) stendur óáreittur
- Hann hefur mikið skopskyn og hnittni hans og töfrar eru á við forleik í rúminu
- Þráir að vera elskaður af ákafa og veltast um rúmið ef plássið leyfir
- Tvíburanum er vel við börn og þarf stórt rúm svo öll fjölskyldan geti sofið þar .

Meyja(23.ágúst - 22.sept)
Meyjan verður að fá að sofa út þegar hún er þreytt til að geta blómstrað í rúminu. Kröfuharkan verður nánast engin þegar hún sefur í góðu rúmi.
- Hreinleg og ástríðufull
- Rómantískur og gefandi þegar ástarleikurinn hefst
- Það líkist töfrabrögðum svo kynþokkafull er meyjan í svefni jafnt sem vöku
- Meyjan álítur snertingu eðlilegan þátt í rúminu
- Hún gerir mjög miklar kröfur og leitar alla tíð að fullkomnun í rúminu
- Aðeins þrá meyju eftir ástarævintýri jafnast á við mikla forvitni hennar
- Hann er innilega forvitin í rúminu
- Þarf elskhuga sem vill eiga auðugt og spennandi kynlíf
- Þarf elskhuga sem er frjáls til líkama og sálar
- Þarf elskhuga sem er örugg með kynlífstækni sína í rúminu .

Vog(23.sept - 23.okt)
Elskhugi vogar verður að vera þolinmóður og skiliningsríkur og viðurkenna þörf hennar fyrir aðdáun og blíðu í rúminu.
- Þegar vogin hefur fundið ástina er ekki aftur snúið
- Undanlátssöm í rúminu
- Kýs að þóknast öðrum en getur líka verið ákveðin í rúminu
- Leitar í sífellu að fyrirmyndar elskhuga í rúminu og þegar hún finnur hann er hún sátt að eilífu
- Nákvæm og vandlát í rúminu
- Henni er illa við hirðuleysi og vill því að rúmið sé snyrtilegt og vel búið um
- Illa við einveru og kýs að hafa einhvern hjá sér öllum stundum upp í rúmi
- Kýs ástvinu sem getur nært hana á tilfinninga- og kynferðislega sviðinu í rúminu.

Sporðdreki(24.okt - 21.nóv)
Sporðdrekinn nær taki á elskhuga sínum með persónutöfrum sínum,dýpt og þrautseigju í rúminu.
- Stjórnsamur en ákaflega trygglyndur og næmari en nokkurn grunar í rúminu
- Skynhneigður og ástríðufullur elskhugi
- Eigingjarn og jafnvel leynilega sadískur í rúminu ef hann treystir og tengist náið elskhuga sínum
- Öfgafullur, allt eða ekkert í rúminu
- Afbrýðisamur ef elskhugi gefur sig ekki allan í rúminu
- Þegar sporðdrekinn er ástfanginn getur hann verið kynþokkafullur með afbrigðum
- Hann er fæddur til kynlífs og valda og það á einnig við í rúminu
- Kröfuharður og lostafullur og kýs að hafa umhverfið á sömu nótunum (stórt og mikið rúm og silkirúmföt)

Bogmaður(22.nóv - 21.des)
Bogmaðurinn er fær um að skapa skínandi stemmingu við hvaða aðstæður sem
er og býr til rómantíska stund án fyrirhafnar með krafti sínum og
hugsjónum.
- Einlægur
- Hreinn og beinn
- Fyrir honum er kynlíf hátíð
- Í kynlífsfélaga sínum leitar hann að félaga og samferðaelskhuga
- Harðbrjósta, tilfinningalaus (ónærgætinn)
- Heiðarlegur og lætur ekki bjóða sér neitt undirferli
- Hann hefur mikla þörf fyrir stöðuga örvun í ástarsambandi
- Hann lætur oft slag standa með ókunnugum og hefur elt margar myndarlegar
manneskjur sem hann er hrifinn af á röndum(gefst ekki upp)
- Sterkt fegurðarskyn hans gerir hann að stórkostlegum félaga í ástarleikjum .

Steingeit(22.des - 19.jan)
Kynlíf og ást eru mjög mikilvægir þættir í lífi steingeitar en þeir
fullnægja aldrei þörf hennar fyrir veraldlega viðurkenningu í rúminu
- Kynlífsglatt stjörnumerki
- Steingeitin er raunsæ og rómantísk í rúminu
- Kýs hæfileikaríkan elskhuga með sterkt ímyndunarafl
- Stekkur aldrei inn í ný sambönd án langs undirbúnings
- Þegar steingeitin elskar loksins, elskar hún ákaft og af öllu hjarta
- Auðsærð í rúminu
- Er sjálfri sér næg í rúminu en leitar samt verndar sem hún finnur í góðu
sambandi þar sem jafnvægi ríkir
- Þarf ást en óttast um leið sársaukann sem hún kann að valda
- Kynþokki hennar vex með aldrinum og sömuleiðis leikirnir sem fram fara í
rúminu - Gott úthald í rúminu.

  • 1