Færslur: 2007 Ágúst

30.08.2007 22:49

Ekki lýgur mogginn.


Úthýst á Laugarhóli.

Frá Þórgunnu Þórarinsdóttur, Margréti Stefánsdóttur og Elínborgu Lárusdóttur: "Á LEIÐINNI til Hornstranda frá Reykjavík komum við nokkrar miðaldra konur að Laugarhóli í Strandasýslu um miðnætti eina sumarnótt eftir að hafa ekið beint úr bænum."  Á LEIÐINNI til Hornstranda frá Reykjavík komum við nokkrar miðaldra konur að Laugarhóli í Strandasýslu um miðnætti eina sumarnótt eftir að hafa ekið beint úr bænum. Örþreyttar eftir langa keyrslu en fullar tilhlökkunar því að við vorum á leið til Hornstranda í sumarfrí. Stórt og uppljómað hús með sundlaug við hliðina tók vel á móti okkur. Yndisleg íslensk sveit, falleg náttúra, björt en svöl sumarnótt. Við bönkuðum fullar af bjartsýni um gistingu á góðum stað. Enginn svaraði svo við gengum inn auða og breiða ganga og hol með stafla af dýnum en hvergi var neinn sjáanlegur. Loks kom vertinn, sem reyndist franskur maður, fram og spurði hvað við vildum, með miklum ólundarsvip. Þegar við útskýrðum að við værum að leita að gistingu svaraði hann æstur. "Stelpur! Hvernig dettur ykkur í hug að koma hingað án þess að hringja á undan ykkur? Hér er allt fullt." Hann vísaði okkur á dyrnar með ákveðinni handarsveiflu. Við sögðum honum sögu okkar og spurðum hvort við gætum ekki fengið að liggja á dýnum í holinu eða í sundlaugarhúsinu. Okkur hefði seinkað af ýmsum ástæðum en hefðum heyrt að hér væri hægt að fá gistingu. " Uss, stelpur, hvernig dettur ykkur slíkt í hug, án þess að panta. Ég sagði, að það væri allt fullt hérna og út með ykkur!" "En dýnurnar? Okkur er sama þótt við liggjum í holinu?" spurðu stelpurnar. "Út, út," var svarið og því fylgdi enn ákveðnari handasveifla í átt að dyrunum. Við stóðum úti í kuldanum um hánótt og horfðum hissa á hver aðra. Hvað var nú þetta? Ekki einu sinni "því miður" eða "ég skal reyna að athuga hvað ég get gert". Bara reknar á dyr einsog óþekkar skólastelpur. Við komumst sem betur fer í Djúpuvík stuttu síðar. Á hótelinu var okkur sérlega vel tekið og fólkið þar ekkert nema elskulegheitin einsog víðar á okkar ferðalagi. Við mættum ótrúlegri gestrisni og hjálpsemi og því stakk þessi reynsla í Laugarhóli í stúf við allt annað. Víða í ferðinni hittum við fólk sem hafði svipaða sögu að segja af dónaskap rekstraraðilans á Laugarhóli. Okkur var tjáð, að hann hefði nýlega komið í þættinum Út og suður (ein af okkur gat ekki á sér setið og sagði að hann ætti betur heima í norður og niður) og fengið þar góða umfjöllun, enda styrktur af sjálfu sveitarfélaginu. Við viljum því með þessari grein segja frá okkar reynslu af umræddum hótelstjóra og vara ferðalanga við. Ennfremur að benda á að það er nóg af frábærum gistimöguleikum á Íslandi og góðu fólki með ríka þjónustulund í ferðaþjónustunni svo að alger óþarfi er að sætta sig við dónaskap og ólund þegar þjónustu er leitað.

Heimild mbl.is 26 ágúst blaðsíða 39 á mbl 2007.

Mér var bent á þessa grein sem þrjár miðaldra konur skrifuðu vegna samskipta við vertinn á Laugarhóli (Klúkuveitingar).  En vefstjóri þessarar síðu ætlar ekki að fara nánar í þessa grein þessara ágætu kvenna sem fengu neitun hjá vertinum eins og allmargir aðrir hafa fengið, en þessar konur yfirgáfu fransmanninn á Laugarhóli og fengu inni á Hótel Djúpavík og samkvæmt mbl greininni var þeim þar tekið með kostum og kynjum. Svona framkoma við ferðamenn er afleit fyrir alla, svona gera menn ekki. Og það er ekki gott að einblína einvörðungu á stóra hópa sem hafa pantað með margra mánaða fyrirvara og jafnvel greitt allt áður en komið er á staðin. Ferðamennirnir Pétur og Páll sem koma á sínum bílum til vertsins fá nánast enga þjónustu miðað við stóra skipulagða hópa, ekki einu sinni samloku.

29.08.2007 22:41

Thunder millifærir myndir.


                                                           Ekki var þetta ferð til fjár.

Ungur drengur sagði mér frá vörubílasíðunni geiranum þar sem spekingar vörubíla og vinnuvéla skiptast á skoðunum og setja svo myndir inná þessa síðu. Og eg skráði mig þarna inn í gær og fór að skoða nokkrar myndir sem flestar eru mjög illa teknar. En eg var ekki búin að skoða mikið þegar eg rakst á myndir merktar thunder Hólmavík, fljótlega þekkti eg tvær myndir sem thunder hefur tekið af Strandaspjalli sem voru teknar 14 apríl 2006. Þetta eru ekki merkilegar myndir en thunder á fullt af símum sem hann getur hringt úr til þess að fá að setja þær á geirann. En það hafa margir haft samband við mig til að fá copy og pasta myndir til að eiga eða setja í umferð á neti eða öðru slíku. En eg get ekki annað en kvittað thunder með því að gera sama og hann gerði gagnvart mér að setja mynd á þessa síðu sem hann tók væntanlega uppí Kollafirði 16 ágúst síðastliðin þegar kappinn var að sækja bilaða vél fyrir Vegagerðina. En þegar thunder kom til Hólmavíkur með þessa vél var kappinn svo ógurlega soltin að hann fór beint í Esso sjoppuna og fékk sér að éta við hliðina á vigtararamönnunum sem voru sömuleiðis að éta. Thunder var ekki búin að vera lengi að snæðingi þegar lögreglumaðurinn spurði hann hver væri á þessum bíl, það er eg, svaraði thunder. Og þannig fór um sjóferð þá að aumingja thunder skaut sjálfan sig svo rækilega í báðar lappir þannig að hann er vart gönguhæfur eftir þetta allt saman.Tvö tonn og rúmlega það.

               
    Þetta eru myndirnar sem thunder tók af Strandaspjalli  og setti inná thunder (geirinn.is).
     

28.08.2007 23:38

Þessi er góður.

                                                ~7543370

Kynlíf eldri borgara. Hjónakornin Jón og Gunna voru komin af léttasta skeiði en voru mjög virk í kynlífinu eftir sem áður. Eitt sinn sem oftar voru þau upp í rúmi, létu vel hvort að öðru og stefndu á að eiga mjög góða stund saman. Þegar Gunna hvíslar munúðarfullt í eyra Jóns verður hún furðulostin þegar hann rýkur upp úr rúminu. Karlinn grípur haglabyssuna og æðir út. Þar stendur hann á sprellanum og miðar upp á þak. Hvern andskotann er karluglan að bardúsa núna hugsar Gunna ergileg. Hún æpir á hann og spyr hvern fjandann hann sé að gera.Jón æpti á móti: þú sagðir að það væri rjúpa á þakinu NEI, gargaði Gunna á móti: ÉG SPURÐI HVORT ÉG ÆTTI AÐ KRJÚPA EÐA VERA Á BAKINU!!

28.08.2007 22:54

Aha?

                                                                             Það er nefnilega það.

27.08.2007 23:32

Tunglið er fallegt núna og fullt.

Á morgun er fullt túngl og líka byrjar tvímánuður og sömuleiðis Ágústínusmessa og að endingu er dagurinn á morgun númer 240, þá eru 125 dagar eftir á árinu.
                                Myndgæðin eru nú ekki mikil á þessari mynd.
 

26.08.2007 21:47

Hálfsmánaðarvitjun vegarins í Gautsdal.







  


Í dag skrapp eg yfirí Gautsdal til að kanna hvernig hefur gengið síðan eg fór þangað síðast 12 ágúst síðastliðin. Í sjálfum Gautsdalnum hefur nánast ekkert verið gert, en verktakinn er og hefur verið að ýta ofan af klöppum á toppi Þröskulda. Þar er búið að hreinsa talsverðn flöt á ca 400 metra svæði á sjálfum toppinum þar sem aðalefnisnáman á að vera. En í dag þegar eg var þarna uppi var talsvert sull um bull af drullu á vegarslóðanum vegna rigningar sem hefur verið nú undanfarna daga. Ef menn eru með góðan kíkir þá má grilla í þar sem er búið er að ýta af klöppunum á Þröskuldunum, ef kíkt er frá Hrófá.

26.08.2007 21:42

Þuklara skemtun og þuklaraball.





Sauðfjársetrið á Ströndum stóð fyrir Þuklaraskemtun á Hólmavík í gær. Í boði var gómsætt lamb af bestu gerð með rabbabaragraut í eftirrétt. Svo voru tvenn misskilin skemmtiatriði að hætti setursins. En sá sem toppaði kvöldið var Gísli Einarsson út og suður fréttamaður, sem fór á kostum. Og síðan var stigin dans með Þóru og Halla frá Ísafirði. Nokkrar þuklaramyndir er að finna hér.

25.08.2007 18:54

Sumarhús á Ströndum í smíðum.





   
Nóg að gera hjá smiðum á Strandasvæðinu. Á Hrófá við Vaðalinn er heilsuhúsajöfurinn Örn Svavarsson að reisa sér stóra villu sem ku á að vera stærsta flottasta og væntanlega dýrasta sumarhús á Strandasvæðinu. Þetta hús hans Arnars á að vera þriggja kassalaga og með stórum sólpalli og bryggu fyrir snekkju kappans. Þetta hús verður sennilega fokhelt seint í haust. Og svo er Kálfaneseigendurnir Atli Atlasson og frú búin að reisa sitt óðal á hólnum sem mundi rúmast í einu horninu hjá heilsuhúsajöfrinum á Hrófá.

24.08.2007 23:00

Ný bílastæði í Hveravík.





Í dag og í gær hefur verktakafyrirtækið KNH ehf sem hefur verið að endurbæta vegin á Selströndinni, verið að gera tvö bílaplön. Bílaplanið sem var gert í gær er fyrir þá sem eru með fornleifauppgröftin, kennt við Baskana. Og bílaplanið sem var gert í dag er beint uppaf gömlu ónýtu sundlauginni, örugglega hugsað fyrir þá sem koma til að skoða hvar sundlaugin var.

23.08.2007 00:25

Er lögreglan á Selfossi orðin alveg spinnigal.

                                   

Hugleiðing um frétt. Samkvæmt fréttum sjónvarps og útvarps hefur lögreglan á Selfossi ásamt Sýslumanninum á Selfossi farið langt yfir svonefnt grátt svæði, þegar lögreglan á Selfossi tók þessa konu grunaða um ölvun við akstur. Viðtal í sjónvarpinu í gær við Ólaf Helga Kjartansson Sýslumann á Selfossi var með eindæmum. Sýslumaðurinn var að réttlæta aðgerðir síns manna um hvernig konan kom fram við lögregluna og var að bera saman þvaglegg sem var notaður til að taka þvagsýni úr þessari konu og álíka sjúklingum sem þurfa að nota svona þvaglegg dagsdaglega. Þessi meinta ofbeldisaðgerð lögreglunar á Selfossi gagnvart þessari konu er ekkert annað gróft ofbeldi af hálfu lögreglunar og telst líka gróft kynferðisbrot og líka mannréttindarbrot. Fjórir lögreglumenn en engin lögreglukona hvað þá læknir, klæddu þessa konu úr öllu að neðanverðu sem gekk ekki vel vegna krafta hennar, náðu að lokum sínum ofbeldisvilja fram. Alkoholsmagn sem var í blóði konunar var einungis 1.43 prómill sem jafngildir því að drekka eina malt og eða einn pilsner svolítið hratt. Eg er ekkert að réttlæta að fólk yfir höfuð setjist undir stýri eftir einn, en það vill brenna við hjá sumum löggum að vera hrokagikkir í búning og sýna okkur hinum hver fer með valdið. En svona aðgerðir eru fyrir neðan allar hellur. Viðtalið við læknirinn í sjónvarpinu í gær segir allt sem segja þarf um svona aðgerðir. Læknirinn sagðist aldrei mundi framkvæma svona aðgerð nema með úrskurði frá dómara. Eg hef nú litið upp til Ólafs Helga Kjartanssonar í starfi sem Sýslumanns, en eftir þetta viðtal sem var við hann í gær um þessa aðgerð þar sem hann var að reyna að réttlæta fyrrnefndu ofbeldisaðgerð hefur álitið á honum stórlega fallið og það mikið.

Meira þessu tengt. Bloggað um þessa frétt á mbl. Frétt á mbl. Bloggað um þessa sömu frétt á mbl. Meira á mbl. 

21.08.2007 23:03

Stuðmenn voru hræðilegir á tónleikunum á Laugardalsvellinum.

Mynd númer 24

Ég horfði á þessa tónleika í sjónvarpinu sem voru haldnir á föstudaginn var, 17 ágúst síðastliðin, sem voru að mörgu leyti ágætir en annað var algerlega glatað. HVAÐ VORU STUÐMENN AÐ HUGSA ? ég bara átti ekki til orð.Og aumingja Björgvin Halldórsson sem var auglýstur hvað mest söng einungis eitt lag, og kallinn í skotapilsi. Páll Óskar sagði að nú ætluðu Stuðmenn að loka kvöldinu með sprengingu og svo kom þessi hryllingur á sviðið, ég hélt að það yrði fjörugt og hresst lokaatriði en nei nei bara Stuðmenn á einhverju furðulegu tölvu gervi orgersta flippi í forljótum búningum, ef markmiðið var að tæma Laugardalsvöllinn sem hraðast þá var þetta að sjálfsögðu besta leiðin,því að sjáanlega sást vel í sjónvarpinu þegar stúkan tæmdist. Eg veit þó eitt í það minnsta að þessir svonefndu tölvuhljómborð sem Stuðmenn djöfluðust á og það með miklum óhljóðum, var hugarverk tengdasonar Strandamanna Gíslasonar frá Hvalsá. Eg vona að þessi grúbba eins og hún kom þarna fram geri það aldrei framar, og með aumingja Bjögga eins og villiráfandi feimin sauð á sviðinu og var ekki öruggur hvað hann átti að gera og vera. Allavega voru þessir kappar ekki að tæta og trylla í þetta skiptið.

Önnur atriði voru mörg ágæt, en Mugison var helvíti góður.. Garðar Thor er rosalega góður söngvari en mér fannst þetta ekki alveg vera vettvangur fyrir svona klassískan söng og það sama á um nýju strákana hans Einars Bárðar, Luxor fannst þeir ekki eiga heima þarna. það á að vera stuð á svona tónleikum. Nylon segi bara sem minnst um.(síðan skein sól) SSSól var ágæt. Bubbi Morteins einn á sviðinu var bestur, hann átti að vera síðastur en ekki Stuðmenn. Eitt slæmt við Bubba er þegar hann er alltaf að röfla um stjórnvöld og virkjanir, hann má alveg sleppa því.

19.08.2007 21:26

Vegagerð í Reykjarfirði og nágrenni gengur bara vel.









  


Vegagerð í Reykjarfirði gengur sjáanlega vel. Brúargerð er í fullum gangi og almennt séð gengur verkið vel. Eg fór vestur í dag og tók nokkrar myndir af þessum framkvæmdum.

19.08.2007 21:21

Stórafmæli fyrrum vörubifreiðarstjóra S.H.G.

Mynd númer 1

Mynd númer 34   
Í gærkveldi hélt öðlingurinn Sigurgeir H.Guðmundsson uppá 75 ára afmæli á kaffihúsinu Malarkaffi á Drangsnesi hjá þeim vildarhjónum Bjössa og Völku. Og vegna þessara tímamóta hélt Sigurgeir H.Guðmundsson frá Hamravík uppá sitt sjötugasta og fimmta aldursár sem hann ber býsna vel sá gamli. Það mættu allmargir af hans vinum og ættingjum vegna þessara tímamóta. Og það voru nokkrir sem stigu á stokk og tóku lagið með afmælisbarninu, en með textum eftir sjálft afmælisbarnið. það eru nokkrar myndir af kappanun T 79 að finna hér.

18.08.2007 18:29

Danskir skólakrakkar á Hólmavík.



       Þetta er fallegur hópur, danskir og íslenskir krakkar ásamt fylgdarmönnum.

Undanfarna þrjá daga hafa verið danskir skólakrakkar frá Árslev í Danmörku í vinarskólaheimsókn til skólakrakkana hér á Hólmavík. Í fyrra fóru skólakrakkar frá Hólmavík til þessara sömu krakka og þeir dönsku gerðu það sama núna eins og var gert í fyrra. Krakkarnir frá Hólmavík og þau dönsku fóru til Skagafjarðar í svokallaða rafting siglingu og svo var farið á sjóstöng með Sundhananum og líka var farið í skoðunarferð til Grímseyjar og galdramenningin hjá þeim galdramönnum var heimsótt. Og í gærmorgun fór allur hópurinn yfirí Kaldalón og labbað var uppað Drangajökli í brakandi blíðu. Og að endingu í gærkveldi komu svo allir krakkarnir saman í félagsheimilinu en sváfu? svo öll uppí skólanum í nótt. Og í morgun fóru þau dönsku suður og stefnan var tekin á menningarnótt sem er í dag og langt fram á nótt.


Þessi viðkunnalegi piltur var hjá okkur og heitir Christian Stentoft Michelsen ásamt Valdimar Fr.

16.08.2007 23:10

Staðsetningu vegarins í Gautsdal mótmælt.

Sú vegarlína sem er komin í Gautsdal hefur verið mótmælt af hreppsnefnd Reykhólahrepps . Það kemur mér ekki á óvart. Ástæðan er þessi. Leið ehf sem er áhugamannafélag um bættar samgöngur á öllu landinu, var búin að hanna allan veginn, en síðar kom Línuhönnun hf sem útfærði og hannaði allan veginn frá Hrófá og yfir á veg nr 61 skammt frá Króksfjarðarnesi. Eg veit alveg nákvæmlega hvar veglínan átti að vera á þessari leið. Sú leið sem var búið að ákveða og samþykkja á öllum stigum (sjá umhverfismat) var þannig að við stöð (hæl) 17.000 fór vegurinn einungis einu sinni yfir ána, sum sé var vestan megin við ána ofanvið stöð 17.000 en fór austur fyrir ána og var einungis nokkra metra frá Gautsdalsánni að fossinum. Og frá fossinum og niður var farið rétt fyrir neðan fíngerða urð til lálendis og kom svo vestan megin við spennistöð Orkubús Vestfjarða. Sú vegarlína sem Línuhönnun hf gerði og fór svo í formlegt umhverfismat og var samþykkt og síðan öll gögn leiðar ehf seld Vegagerðinni 28 febrúar 2006 sem Vegagerðin ætlaði að nota við lagningu þessar vegar. En greinilega hefur KK eða öllu heldur Kristján Kristjánsson (stjáni hlikkur) yfirvegahönnuður Vegagerðarinnar á þessu svæði breytt að öllum líkindum nánast allri þeirri vegarlínu sem Línuhönnun hf var búin að hanna sem umhverfismatið byggðist á. Allavega er sú vegarlína sem er komin í Gautsdal allt önnur og miklu verri á allan hátt en sú vegarlína sem Línuhönnun hf var búin að gera. Eg tel það með öllu ólíðandi að einn maður skuli komast upp með svonalagað ,samanber fíflabeygjan við Hveravíkina og rugluðu beygjurnar við Borðeyri og aðrar asnalega beygjur sem þessi hlykkur hefur gert og komist upp með. Svona hlykkjótta vegarhönnuði höfum við ekkert að gera með.
Mynd númer 1

Á þessari mynd sést þessi fíngerða urð til hægri.
Mynd númer 36

Um miðja mynd var stöð 17.000 þar sem vegurinn átti einungis að fara yfir ána og fara svo niður hjallan að áðurnefndri urð.Veglínan var nánast beygjulaus hjá Línuhönnun hf.

15.08.2007 23:11

Engin skólaakstur um Steingrímsfjarðarheiði á komandi skólaári.

                   

Engin skólaakstur verður um Steingrímsfjarðarheiðina á komandi skólaári. Nú fyrr í sumar var boðin út skólaakstur á leiðinni Hólmavík - Laugaland á vegum Strandabyggðar, og það komu þrjú tilboð sem öllum var hafnað. Sveitarstjórn Strandabyggðar hefur séð um þennan skólaakstur, en einhver styrr hefur verið á milli sveitarstjórnar og foreldra barnana sem hafa ekið sjálf börnum sínum á skólabíl Strandabyggðar. En sveitarstjórn Strandabyggðar hélt það með því að fara með skólaaksturinn í útboð að einhver mundi bjóða í þennan akstur á sport prís undir 50 kallinum eða neðar á km. En það þarf talsvert meira til en 50 eða 60 kallinn á km svo að dæmið gangi upp. Það hefði þurft að margfalda þessa tölu tvisvar svo að það væri vit í því. Og annað líka það að moksturstæki Vegagerðarinnar leggur ekki af stað frá Hólmavík en um klukkan hálf átta að öllu jöfnu. Þannig að þetta útboð sem fór fram í sumar var að mínum dómi handónýtt. Og svo hefur þetta allt saman kostað það að foreldrar þeirra barna sem hafa ekið sínum börnum í skólann hér á Hólmavík hafa tekið íbúð á leigu í Súðavík svo að börn þeirra geti farið í skólann þar en ekki á Hólmavík. Það virðist vera einhvert sambandsleysi á milli þessara tvegga póla eða hvað? .

15.08.2007 23:09

Ný hljómsveit stofnuð á Ströndum.



HEYRT HEF EG. Já í dag hitti eg mann sem sagði mér það að hann hefði fengið símtal í dag frá þektkum hljómsveitarmanni sem hefur í það minnsta spilað einu sinni í Bragganum sem var í fyrra, og þessi maður sagði við minn heimildarmann að það væri búið að stofna hljómsveit á Ströndum sem héti því skemmtilega nafni Strandamenn. Og þessi þekkti hljómlistamaður að sunnan sagði mínum tíðindarmanni það að þetta væri þrusu band með fjórum Strandamönnum plús þessum sunnanmanni, og að þessi hljómsveit mundi spila á réttarballinu á Laugarhóli í haust. Og æfingar mundu hefjast innan nokkra daga. Þá er bara að íhuga það hverjir skipa þessa hljómsveit sem kalla sig Strandamenn. En minn heimildamaður upplýsti mig um það hverjir þetta væru. Og eitt er þó víst að þessir sóma Strandamenn hafa í allmörg ár komið nálægt hljóðfærum af ýmsum toga. En hvort það sé rétt að það sé búið að ráða söngvarann er eg í miklum vafa um það. Eins og áður sagði einungis heyrt hef eg? .

13.08.2007 22:56

Utanvegarakstur í Jökulfjörðum.





Þessi frétt um utanvegarakstur í Jökulfjörðum er á bb.is sem er með öllu óskiljanleg og allsherjar bull og kjaftæði af verstu gerð. Í fyrsta lagi er um engan utanvegarakstur um að ræða vegna þess að í Leirufirði er ENGIN AKVEGUR, svo einfalt er það. En hvort það sé hægt að aka eftir eyrunum við Leiru og eða í fjöruborðinu telst ekki til utanvegaraksturs á þessum stað vegna þess eins og áður sagði er engin akvegur í Leirufirði. Og í öðru lagi má landeigandi sem um er rætt ráðstafa sínu landi þannig að hann má flytja farartæki og annan varning frá A til B eins og hann vill og þarf. bb.is er alltaf að þvæla um utanvegarakstur um Öldugilsheiði sem er stórgrítt og ekkert stingandi strá að sjá hvert sem litið er. bb.is liðið og öfgasinnað lið að svipuðum toga þurfa að fyrst að kynna sér aðstæður áðun en að rokið sé með það á öldur ljósvakans. Rétt skal vera rétt.

12.08.2007 22:13

Gautsdalur 12 ágúst.

                                                        Nýjar myndir frá Gautsdal.

Mynd númer 15

Mynd númer 22

11.08.2007 21:24

Fíat 500 uppseldur næsta árið?

       Fíat 500 virðist ætla að sigra heiminn.

Svo virðist sem nýi Fíat 500 bíllinn ætli að slá í gegn. Ef marka má upplýsingar frá Fíat þá hafa þegar 58.000 bílar verið framleiddir og því má segja að bíllinn sé uppseldur næsta árið. Aðeins eru þrjár vikur síðan sala á bílnum hófst og eftirspurnin virðist vera gríðarleg en Fíat hafið ráðgert að framleiða um 120.000 bíla á ári en framleiðsla Fíat 500 fer fram í Póllandi.
Að því er kemur fram í fréttum þýska bílablaðsins Autobild hyggst Fíat auka framleiðsluna um 20.000 bíla á ári og fara upp í 140.000 eintök.
Fíat 500 kom fyrst fram fyrir 32 árum en mikla athygli vakti þegar félagið greindi frá áformum sínum um að endurnýja þennan vinsæla smábíl sem þekktur er hér á landi fyrir aðdáun Ómars Ragnarssonar á honum.
Salan á Fíat 500 hefur að mestu farið fram á Ítalíu en einnig hefur talsverður fjöldi bíla verið seldur í Frakklandi. Í bretlandi verður hann seldur undir merki Ford Ka. Ekki er vitað til þess að bíllinn verði seldur í Bandaríkjunum og ekki er vitað heldur hvort hann verður seldur hér á landi eða þá hvenær.
Þetta ætti að kæta hluthafa Fíat en á fyrri helmingi þessa árs jókst sala nýrra Fiatbíla um 12%. Á sama tíma var rekstrarhagnaður næstum helmingi meiri en á sama tíma í fyrra, eða 627 milljónir evra. Þetta eru mikil umskipti frá því sem áður var en langvarandi taprekstur   Heimild bíllinn.is

10.08.2007 21:26

Bergur fékk nýtt heimili í dag.





Refur bóndi var skáld og farandkennari og var giftur frænku minni Helgu Þórðardóttur frá Hoftúnum, Staðarsveit. Helgunafnið er kanski þekkt betur sem Helga Braga Jónsdóttir leikona barnabarn Refsbónda og Helgu. En mér datt í hug hvort eg ætti að láta rebba minn sem eg hef verið með í einn og hálfan mánuð heita Ref bónda sem var skáldanafn Braga sem var heimagangur á mínu gamla heimili til margra ára. En eftir nokkrar vangaveltur um nafngift á rebba minn sem er ættaður úr Vatnadal skammt frá Hrófbergsvatni, þá var niðurstaðan sú að kalla rebba minn Berg, sem í dag fékk nýtt heimili sérsmíðað að hætti Halldórs bónda og co. Í tilefni af þessum búfluttningum tók eg þessar myndir af Bergi sem var ekki allskostar hress með hið nýja heimili. En Bergur mun venjast þessum breytingum fljótt og verður eftir nokkrar vikur orðin að stórum og myndarlegum ref.

08.08.2007 22:35

800 kinda fjárhús í undirbúningi á Heydalsá.



Nú er verið að taka grunn fyrir fjárhúsum á Heydalsá,og eru það Ragnar Bragasson og Sigríður Jónsdóttir sem eru að byrja á þessu mikla verki. Og eftir því sem þau sögðu mér í dag eiga fjárhúsin að vera 800 kinda. Og meiningin er að steypa grunninn í haust og þá að byggja húsin næsta sumar og haust og þau síðan tekin í notkun vorið 2009. Svona eiga bændur að vera. Eg spurði Ragnar að því hvað mundi svona fjárhús kosta og eða hvað þurfti hann að veiða marga refi til að greiða upp fjárhúsin, svarið kom frá bóndanum sem velti síðan vöngum og sagði svo liðlega 4000 þúsund refi eða einhvað svoleiðis.

08.08.2007 22:33

Grænanes 2?



Þetta skilti hefur verið sett upp við veg á Grænanesi og kallast Grænanes 2. Nú skil eg ekki hvar er Grænanes1, Grænanes 2, Grænanes 3 og Grænanes 4. Þá hlítur Grænanes 1 að vera gamla kotið hanns Sigurjóns sem bjó á Grænanesi án þess að hafa einhvert skilti upp við veg. Grænanes 2 hlítur þá að vera húsið hennar Helgu Rós, og Grænanes 3 er þá sumarkofi Þórhalls og Guðbjargar og þá kemur að Grænanes 4 er þá það kot sem kom í vor og er meira sega komið með sumarhúsanúmerið 2128489 en er samt ekki til? eða hvað.

06.08.2007 21:35

Tvö óhöpp í Bjarnarfirðinum í gær.



Um miðjan dag í gær var slys í Sunndal þegar fjórhjól með þremur á fór út af trébrúnni sem er yfir Sunndalsána. Að sögn heimildarmanns slasaðist 17 ára stúlka talsvert og var kallað eftir að þyrla Landhelgisgæslunnar mundi koma. En hin tvö sem voru á hjólinu sluppu með minniháttar meiðsli. Ekki er vitað hvernig heilsufarið er á stúlkunni þegar þetta er ritað.



Og eftir kvöldmatinn í gærkveldi var umferðaróhapp við Urriðaána þegar lögreglubíllinn fór útur beygjunni á leiðinni fram fjörðin. Löggubíllinn fór talsverðan spöl útfyrir vegin og lenti síðan á stórum steini. Og er bíllinn talsvert skemmdur eftir þessa ferð. Sennilega er um að kenna of hratt ekið og viðvaningar (stráklingar) sem voru að leysa heimalöggurnar af. Þannig fór um sjóferð þá.

05.08.2007 22:57

Leirufjarðarferð var farin í dag.

Mynd númer 20

Mynd númer 29

Mynd númer 39  Mynd númer 42

 dag skundaði eg mér til Leirufjarðar í einmuna blíðu. Ekki var mikið um ferðalanga á þessari leið, en þó voru á þessum vegaslóða þrír erlendir bílar sem reyndar snéru við, við fyrsta snjóskaflin sem er rétt fyrir handan þar sem gamli slóðin endaði. Eg eg lét þessa skafla ekki stoppa mig af, fór yfir þá með lítilli fyrirhöfn. En það er þetta bölvaða lok lok og læs hlið sem stoppar flesta af, en þó örugglega ekki alla ef dekkjastærðin er 33" eða meiri, þá er möguleiki að skrönglast fyrir utan þetta bölvaða hlið sem á engan rétt á sér. En það er mun meiri snjór á slóðanum en hefur verið síðustu tvö ár. Og líka er sjáanlegur mikil munur á Drangajöklinum hvað snjór á honum er miklu meiri en hefur verið. En eg er gáttaður á því að engin jeppamaður frá Hólmavík og öðrum stöðum hafa greinilega ekki farið þennan ágæta slóða sem er furðu góður. En eg hvet sem flesta að rúlla sér yfir í Leirufjörð þó þeir fari ekki nema að hliðinu, það tekur ekki nema góðan hálftíma að rölta sér ofan á hjallana þar sem maður sér vel yfir dásemdið Leirufjörð og Drangajökul í návígi. Klikkið hér á Leirufjörð.

03.08.2007 22:49

Húrra húrra hreindýr nálgast Vestfjarðarkjálkann.



Samkvæmt fréttum Ruv og fréttablaðsins Skessuhorns hefur sést til hreindýrskúar með kálfi á Arnarvatnsheiðinni nú síðustu daga. Ég sem áhugamaður um að fá hreindýr til Vestfjarða fagna þessum góðu fréttum. Það er löngu síðan komin tími á það að við Vestfirðingar fáum til okkar hreindýr. Hér mundu þau plumma sig vel. Fyrst þau geta lifað af vetrarhörkurnar á Austurlandi þá geta þau lifað góðu lífi hér í Vestfyrsku ölpunum. Sum sé góð frétt, hreindýr til Vestfjarðar.

02.08.2007 22:52

Dyttað að húsi og blóm dagsins.

Í dag hefur sólin skinið eins og oftast í sumar með ágætum hita. Sumir farfuglar sem keypt hafa hús hér á staðnum hafa verið að dytta að sínum sumarhúsum eins og þessar myndir hér að neðan bera með sér. Og svo læt eg blómin tala á myndrænan hátt.













01.08.2007 22:53

Haninn í Austurtúninnu var sendur í sveitina.

            Hani5477

Þá galaði haninn og allir á fætur ræs. Ekki var haninn hans Dóra og Ragnheiðar lengi í Austurtúninu ,auminga haninn var sendur rakleiðis í sveitina til Brands Bassa, þar má hann gala allan sólarhringin og vel það, enda er talsverður spölur á milli íverustaðar hanans og Bassans. Af hverju var hanagreyið sendur í sveitina spyr eg? . Eg tel mig vita það að það hafi komið kvörtun á löglegan hátt, þar á meðal frá örugglega sóma lagaaverði eða hans tengdum, sem kvörtuðu undan gaggalagóinu á ókristilegum tímum og það víst ansi oft. Það kvu hafi verið ansi erfitt að festa blund þegar hanin byrjaði sinn hanagala söng. Einu sinni taldi síðustjórinn sem er með þennan 123.is/holmavik hafi heyrt gaggalagóið eins og hann var vanur að heyra þegar hann átti heimi í sveitinni. Á mínum sveitabæ var talsvert magn af hænum og nokkrum hönum sem þjónuðu sínum kvinnum örugglega vel.

Hver er munurinn á galandi hana á nóttunni eða öskrandi kælipressuvélar? .

Nú get eg borið þetta saman og auðvitað þið lesendur góðir, hver er háaðamunur á galandi hana sem galar af og til þó aðallega að morgni til og öskrandi kælipressuvélar sem ganga alla nóttina og eða réttara sagt flestallar nætur, síðast í nótt sem leið. Það er helvíti vont að hafa ekki svo sem eina svipaða lögreglu í Miðtúni (og er í Austurtúni) sem mundi örugglega reka þennan öskrandi háaða sem kemur frá þessum kælipressum sem eru á vöruflutningabílunum og vögnunum sem eru staðsettir við rúmgaflinn hjá síðustjóranum, að pólítíið mundi örugglega gera það sama með þessar öskrandi kælipressur og það var gert með hanann. Haninn fór til Bassans en kælipressurnar mundi hann öruglega reka útfyrir Kálfaneslækinn þar sem þessi hávaði á miklu frekar heima en við rúmgaflinn hjá mér. Síðustjórinn verður að fá svefnfrið alveg eins og þeir sem eiga heima við Austurtúnið. Ekki veit eg betur en að Umhverfisnefnd ? Skipulags og byggingarnefnd ásamt sveitarstjórn Strandabyggðar hafi skrifað kaupfélagsstjóranum og sent stjórn Ksh bréf um þennan hávaða sem kemur frá plani Ksh, og hvað hefur verið gert af hálfu Ksh, EKKI NEITT. Sami hávaðin og líka í lyftaranum af og til og það á þeim tímum sem fólk er að ganga til náðar. Eg skora á pólitíið hið nýja að gera eitthvað í málinu. Þessi næturhávaði á Ksh planinu er á við mörg hundruð hana, og hana nú. En Þórðargirðingin er efni í annan pistil,en þessi girðing ef hægt er að kalla girðingu er algjör hneisa á allan hátt, axarskaftið má kalla þetta bull. Allt opið skal það vera, slysagildrur út um allt plan, skammarlegt. Meira síðar.


  • 1