Athugasemd til Sveitarstjórnar Strandabyggðar.

Landbúnaðar - og dreifbýlisnefnd Strandabyggðar fundaði um ráðningu refa og minkaveiðimanna í Strandabyggð. 2 maí 2011.  Þar er settur á fót leikþáttur sem mætti halda að væri komið frá Barbabrellaranum Brelli furðulega svo að ég segi nú ekki meira um þessa furðulegu fundargerð, flestir víkja af fundi þegar er verið að fjalla um ráðningu veiðimannanna sem tengjast flestir þvers og kruss eins og flestir vita. Og bullið með Refakvótann 15 stk á mann (hlaupadýr ) og engin má yfirgefa grenið fyrr en nánast öllu er náð þó að mundi gera kolvitlaust veður, og hvenær á að ákveða skottadaginn  og svo framvegis, þessi fundargerð virkar á mig sem argasta bull og léleg Barbabrella og sama er með samþykkt Sveitarstjórnar Strandabyggðar sem varðar þetta mál og tekur nú hattinn alveg af hausnum þegar á ekki einu sinni að greiða TÍMAKAUP OG KÍLÓMETRAGJALD 10 refi og  bara verðlaun á skotið dýr. Maður hefur séð margt um ævina en þessar fundargerðar um þetta refa og minkamál er grátlega sorglega vitlausar, það er varla hægt að hafa þær vitlausari en þær eru.

Eitt að lokum um ráðningu refaskyttu á milli Selár og Grjótár skal það skýrt tekið fram sem Sveitarstjórn Strandabyggðar á að hafa kynt sér að jarðirnar Hrófberg og Víðivellir eru utan við þessa samþykkt Sveitarstjórnar Strandabyggðar og Landbúnaðar - og dreifbýlisnefndar Strandabyggðar, þessar fyrrgreindu nefndir geta engan vegin vaðið yfir eignarjarðir sem eru í einka eigu með þessum hætti, þó að ég viti það að sá sem var ráðin viti fyrri samþykktir jarðana tveggja og fyrri samþykktir Sveitarstjórna Strandabyggðar til margra ára. Ps. Ég á sjálfur tugi refaskotta fyrri ára og minkaskott vill einhver kaupa þau? Varla fæ ég krónu fyrir þau hjá Sveitarstjórn Strandabyggðar, í fyrradag 7  maí fór ég á sleða upp á Hólafjall og Staðarfjall yfirundir Þjóðbrókargil, á þessari stuttu leið sá ég SEX refi og fjöllin öll út sporuð eftir refi kvað þá bragðarefi sem virðast vera út um allt hvert sem litið er.

Myndir Emil Páll http://emilpall.123.is/