Dagurinn í morgun birtist mér mjög dimmur og éljakenndur á allan hátt. Í birtingu voru enn óveðursský á himni og sendu þau allmörg dimm él sem skullu á okkur sem búum við fallegasta fjörð landsins. Er ekki alltaf gamli málshátturinn í þá veru að það birtir alltaf upp um síðir, og það stóð heima. Allt í einu kom sólin og öll ský voru á bak og burt eða þannig. En það hefur snjóað talsvert frá Hólmavík og fram Staðardalinn sem er orðin vel sleðafær og eins uppí Norðdal.

Ekki var dagurinn í morgun í þessu myndræna formi. Hólmavíkurhöfnin á fallegum morgni.

Fremur hæg vestlæg eða breytileg átt. en vestan strekkingur með suðurströndinni. Suðvestan 8-15 vestantil síðdegis en lægir í kvöld. Él sunnan- og vestanlands en annars léttskýjað. Norðaustan 5-15 um hádegi morgun, hvassast og slydda eða snjókoma suðaustanlands. Hiti í kringum frostmark við sjóinn sunnanlands, en frost 1 til 10 gráður annars staðar.
Á sunnudag:
Suðvestlæg eða breytileg átt, 3-10 m/s og stöku él, en bjartviðri austanlands. Frost 0 til 7 stig.

Á mánudag:
Gengur í austan og norðaustan 13-20 m/s sunnan- og vestanlands, en hægari norðaustantil. Slydda eða snjókoma sunnan- og austantil á landinu þegar líður á daginn, en úrkomulítið annars staðar. Hiti breytist lítið.

Á þriðjudag:
Norðaustan 10-18 og snjókoma eða él víða um land. Frost 0 til 5 stig, en hiti 0 til 4 stig á láglendi sunnan- og austantil.

Á miðvikudag:
Austlæg eða breytileg átt, snjókoma sunnan- og vestanlands en annars él. Frost 0 til 5 stig.

Á fimmtudag:
Norðaustan átt og él, en þurrt og bjart suðvestanlands. Víða talsvert frost.
Spá gerð: 22.02.2008 08:37. Gildir til: 29.02.2008 12:00

ÍSLAND FYRIR ÍSLENDINGA.  Fyrir nokkrum árum gaf Bubbi Mortens út lag sem hann nefndi Nýbúinn. Þetta lag var spilað á rás 2 í gær eftir að Guðni Már popplendingur var búinn að tala við Bubba Mortens. Guðni Már og líka í Kastljósinu í gær var verið að tala við Bubba út af þeim tónleikum sem hann er að halda nú í kvöld vegna þeirra fjölgunar sem hefur orðið á erlendu fólki sem hefur flætt hingað uppá klakann, eða hvað. Nú er Bubbi komin akkurat í hring. Vegna þess að í textanum sem hann samdi hér um árið er þessi setning í birjun á laginu hanns Bubba er, Ísland fyrir Íslendinga og svo endar hann textan á því að segja þessi orð sem eru þessi, farðu heim til þín, farðu heim til þín. Þannig að Bubbi var að segja við það fólk sem þá var komið til Íslands að hundskast heim ? farðu heim til þín. Er þetta rasismi eða hvað. En hvað er þá Bubbi í dag 2008.
Nú er Bubbi kallin búin að smala helstu poppurum saman á tónleika sem hann ásamt þessum listamönnum eru að spila gegn rasistum, og er með sjálfan forsætisráðherran sér við hlið Geir Hilmar Horde. En einhvernvegin finnst mér að Bubbi sé mestmegnið að gera þetta í auglýsingarskini fyrir sjálfan sig. Og ég held í raun að Bubbi sé ekki minni rasisti en hann var þegar hann samdi lagið hérna um árið Ísland fyrir Íslendinga, farðu heim til þín. Þetta var smá hugleiðing um Bubba kóng sem kann að auglýsa sig á auðveldan og ódíran hátt.

Í hádeginu í dag fóru fimm Strandatröll uppá Steingrímsfjarðarheiðina í frekar suddalegu veðurfari. Rigningin virkaði á mann og myndavél þónokkuð blaut á heiðinni, en þrjú Strandatröll brugðu á afturbeltaleik við Þriðjungsárnar sem eru norðan megin í Norðdalnum, afturbeltisaksturinn hjá þessum köppum var nokkuð góður og stundum djarfur, en allt fór þá vel að lokum. En vegna mikillar rigningar var varla hægt að mynda fyrrnefnd tilþrif en samt náði eg nokkrum myndum frá þessum afturbeltistilþrifum þegar tröllin horfa til himins. Hér eru nokkrar myndir Strandatrölla síðan í dag.
                                       

                                 

Í Bændablaðinu sem kom út í gær 12 febrúar er mikið og fróðlegt viðtal við hjónin Arnlínu Óladóttur og Magnús Rafnsson á Bakka í Bjarnarfirði. Bændablaðið á að fást í sjoppum um land allt og það frítt.

Eg fór í sjoppuna hjá N 1 hér á Hólmavík í morgun um kl 11.00 og inn komu hjón sem vildu fá pulsu og samloku en þeim var sagt það að pulsurnar og samlokurnar væru ekki klárar vegna þess að afgreiðsludaman hefði verið að koma til vinnu og væri syfjuð og ekki væri búið að gera pyslurnar og samlokurnar klárar. Þannig að þessi ágætu hjón fengu einungis kók og prins póló. Afar slæmt er það fyrir svona lítin stað að ekki skuli vera hægt að redda pylsu og samloku fyrir ferðamannin sem var í þessu tilfelli á leið til Hnífsdals á þorrablót. Og svona í framhjáhlaupi er það ekki gott fyrir N 1 hér á Hólmavík að í þessu tilfelli var alþingismaður og kona hans á ferð, sussum svei. Það er lámarks krafa að þegar er opnað að allt sé klárt á öllum sviðum hjá N 1, annað gengur ekki upp.

Eins og eg sagði í mínum rokbylspistli í gær þá var stefnt að því að komast til Bjarnarfjarðar í dag og það tókst, en ekki á bíl en á snjósleða. En eg gerði heiðalega tilraun í morgun að komast frá Drangsnesi og til Bjarnarfjarðar en eg komst rétt norður fyrir Sléttuvík uppá hæðina sem halla fer ofaní Kelduvíkina. Skaflin er svosem ekki þykkur en hann er helvíti langur niður brekkuna. Það hefði verið talsvert basl að skakast það, það hefði ekki verið nóg. Uppaf gömlu fjárhúsunum á Kaldrannanesi er komin nokkuð stór hryggur sem hefði stoppað mig. Þannig að eg snéri við og skutlaðist til Hólmavíkur og náði í snjósleðan minn og fór með póstin til íbúana í Bjarnarfirði.
En hitt er annað að mér finst helvíti hart að vegagerðin skuli ekki nota tækifærið að moka frá Bakkagerði og til Bjarnarfjarðar og það í hláku, er að mínum dómi ekki hægt að líða. Opnunardagar frá Bakkagerði og til Bjarnarfjarðar er á mánudögum og miðvikudögum. En samt finnst mér að það eigi að vera hægt að hnika til með þessar opnunarreglur og hvað þá að nota tækifærið í hlákunni og opna þessa fáu kílómetra sem um ræðir sem eru ca 15. Það býr líka fólk í Bjarnarfirði er það ekki? .

Öfgakennt veðurfar. Í morgun í birtingunni var skaplegt veður en var farið að ganga á með vestan snjóhriðjum og þó nokkru roki þannig að skyggnið til aksturs eftir kl 11.00 var sumstaðar lítið sem ekki neitt. Þannig að skyggni fyrir norðan Bakkagerði var þegar eg var þar núll metrar og komin talsverður skafl við beygjuholtið uppaf gömlu fjárhúsunum, þannig að það er lágmark að maður sjái vegin og eg bara snéri við og fór til Hólmavíkur. Og aðalævintýrið var eftir, svipað og meðfylgjandi mynd sýnir, sem eg fékk lánaða hjá 4x4 klúbbnum. Í Miðdal við bæinn Gröf gerðist svolítið skondið vegna stórhríðar sem var þar og annars staðar, þannig að þegar eg fór frá Grafarbænum hjá Reynir og Steinu tók eg ekki alveg rétta stefnu uppá vegin, aðeins of mikið hægra megin við vegin þannig að bíllin fór nánast á kaf í snjó. Jeppin hjá Reyni haggaði ekki bílnum, þá sótti hann traktorin sem með nokkrum mjúkum rykkjum fór bíllin að mjakast aftuábak og uppá hlaðið. Takk Reynir. Þetta er með mestu festum sem eg hef lent í á mínum langa akstursferli sem eru orðnir nokkrir áratugir. En vonandi verður betra veður á morgun þannig að maður komist í Bjarnarfjörðin og að Vegagerðin verði búin að opna þangað þegar eg mæti á svæðið. En veðurspáin fyrir helgina er frekar dapurleg, rok og aftur rok. . Hér er veðurspáin frá veðurstofu Íslands.                 

                                                                Mynd frá 4x4.is

Það var mikið fjör og gaman hjá Þorranefndarkonunum í gær. Góð skemmtiatriði, vel æfð og sett saman. Það fengu nokkrir skotpillur frá nefndarkonunum sem fóru lauslega yfir það sem þeim fannst hafa verið efst á baugi á Hólmavík. Eg tók nokkrar myndir frá þessu ágæta kveldi sem þið klikkið á HÉR.