03.09.2007 23:08
Kviknaði í dráttarvél í Odda.
Um helgina kviknaði í dráttarvél í Odda í Bjarnafirði. Heimilisfólkið á Svanshóli tók eftir því að ekki var allt með felldu við íbúðarhúsið í Odda, þar stóð vélin, þaðan kom talsverður eldur að sjá frá Svanshóli og Svanshólsfólkið hringdi um leið til Odda og lét vita af þessum eldi sem reyndist vera að kviknað hefði í dráttavélinni. Og að sögn Baldurs Sigurðssonar bónda sem á þessa vél skemmdist vélin talsvert í þessum bruna. En það þurfti tvö handslökkitæki til að slökkva eldinn. Sennilega hefur kviknað út frá rafmagni. Og vélin verður send suður til viðgerðar eins fljótt og mögulegt er.
