15.05.2010 03:45
Fjáröflunartónleikar félagsmiðstöðvarinnar OZON á Hólmavik verða í Félagsheimilinu Hólmavík 19 maí
Stórskemmtilegir fjáröflunartónleikar félagsmiðstöðvarinnar OZON á Hólmavik verða haldnir í Félagsheimilinu á Hólmavík miðvikudaginn 19.maí. Tónleikarnir hefjast kl. 19:30, en þar stíga á stokk einstakir hljóðfærasnillingar úr Tónskólanum á Hólmavík auk frábæra söngvara á öllum aldri. Fjöldi frábærra slagara er á dagskránni og ungir sem aldnir ættu að geta hlustað á eitthvað við sitt hæfi!
Einnig verður keppt milli laganna tveggja sem bárust inn í samkeppni um Hamingjulagið 2010 en Hamingjudagar á Hólmavik verða haldnir 2-4 Júli. Salurinn greiðir atkvæði og meirihluti ræður úrslitum.
Sjoppa verður á staðnum fyrir nammigrísina. Aðgangseyrir er kr. 1200 fyrir fullorðna, 500 krónur fyrir 6-16 ára og frítt fyrir yngri.
Ekki missa af þessari frábæru skemmtun!
EF þið viljið fá nánari upplýsingar um atburðinn hringjið þá í síma: Benedikt-8989162 eða Bjarni Ómar-8924666
Skrifað af J.H. Hólmavík.