Færslur: 2007 Nóvember
03.11.2007 23:02
Garðstaðir í djúpi. Bjössa skrúfu er hótað.
Í RÚVEST og BB.IS fréttum virðist sveitarstjórn Súðarvíkurhrepps leggja umráðamann og eigenda jarðarinnar Garðstaða í hinum forna Ögurhrepp, nú Súðavíkurhrepp í algjört einelti. Samkvæmt fréttum er umráðamanni jarðarinnar Garðstaða gert að fjarlægja alla þá bíla sem hann hefur safnað undanfarin ár, í burtu með allan flotann. Forsaga málsins er í stuttu máli þessi. Sumarhúsaeigandi í Ögri sem er líka Bæjarstjóri á Ísafirði hefur ekki þolað að horfa út um sumarhúsagluggann á alla þá bíla sem Garðstaðareigandin hefur safnað aðsér, þetta kallar sumarhúsaeigandin í Ögri sjónmengun af verstu gerð, og hann hefur djöflast í hreppsnefnd Súðarvíkurhrepps með það fyrir augum að Súðarvíkurhreppur geri Garðstaðarbóndanum það ljóst og það með samningi (sjá frétt) verði gerður við hann samningur fyrir 15 nóvember næstkomandi, ef Garðstaðareigandin hafnar samningi þá ætlar Súðarvíkurhreppur að taka til sinna ráða á kostnað eiganda Garðstaða. Ef sumarhúsaeigandin í Ögri finnst það sjónmengun að sjá nokkurhundruð bíla vel upp raðaða og í landi sem sumarhúsaeigandin á ekkert í. Þá spyr eg hvað má síðustjóri þessarar síðu segja um það sem hann sér út um eldhúsgluggan, er það ekki sjónmengun. Þá fer síðustjóri að skrifa sveitarstjórn Strandabyggðar bréf um það sem hann sér út um eldhúsgluggan. Sjónmengum skal það heita og allt það drasl sem síðustjórinn sér út um eldhúsgluggan skal allt fara sömu leið sem Súðarvíkurhreppur er að gera gagnvart Garðstaðarbóndanum.
01.11.2007 22:57
Fyrsti dagur rjúpu var í dag.
Í morgun rann upp fyrsti dagur rjúpnaveiðar á Íslandi á þessu ári, veiðiveður var gott, frost og smá gola og örlítin snjóhjúp yfir landinu. En vindáttin var að mínu mati ekki hentug. En ekki veit eg hvernig og eða hvort rjúpnaskyttur hafi fengið einhverjar rjúpur. En allavega voru talsvert margir bílar uppá Borgarbrautinni í morgun sem segir manni einhvað og uppá Bassastaðarhálsi um hádegisbilið voru þar tveir jeppar út í kanti, og inní Staðardal eru veiðimenn í tveimur húsum. En eg held að veiðimenn hafi lítið sem ekkert fengið í dag, það er mín tilfinning.
01.11.2007 22:55
Barrfinka er að nema land á Íslandi.
Í fréttum um dagin var frétt um það að Barrfinka væri í hundraðatali á suðurlandi og tugir hefði sést í Reykjavík. Ef einhver hefur séð þennan litla fallega fugl hér við fjörðin eða í Strandasýslu endilega kommentið þá um það hér.
- 1
- 2