Það voru rúmlega tveir mánuðir síðan að ég hef komið upp að Fitjum við Fitjavatn sem er langur tími miðað við hvað ég hef oft komið á þennan fallega stað sem Vatnadalur er. Það er mikið líf í dalnum núna sem endranær. Fuglalífið er allt í blóma og náttúran er öll að vakna með margskonar söngvum. Ég sá einn hvít snepplóttan ref við Hriman sem er á milli Hrófbergsvatns og Fitjavatns og heyrði í öðrum ref skammt þar frá. Þannig að miklar líkur eru á því að gren sé innan seilingar í dalnum. Og líka voru við Hrófbergsvatnið í dag 3 veiðimenn sem voru að reyna að veiða gómsæta bleikju sem er nóg af í vatninu. Þannig að dagurinn í dag veit á góða veiði í dalnum í sumar.

                                                     Álft á flugi yfir Fitjavatni í dag.

 

 
 

 
 
 
  
 
 
 
 
                            Hrossagaugsegg við hliðið á Gestöðum í Miðdal.

 
  

Þú komst yfir hafið á heiðskírum degi
á hreina Íslands jörð
úr nístingsköldum norðurvegi
að nema Skagafjörð.

Þú stikaðir frjáls um fjallanna sali
um fagra Íslands grund;
velkominn gekkstu um grösuga dali
? gleymdir þér um stund.

Þú örmagna, máttfarinn, lagðist í laut
á ljúfri Íslands fold
uns kyrrðin dreif þig í draumanna skaut
í dúnmjúkri gróðurmold.

Þar sáu þig tortryggnir blauðgeðja bændur
? þeir byggja Íslands lönd.
Vitstola hringdu í vopnfæra frændur
sem vildu þig þegar í bönd.

Þeir umkringdu þig, sem þekktir ei hlekki
en þvældist um íslenskt hlað.
Þeir skelfast frelsið sem skilja það ekki
? og skjóta í hjartastað.

 
 
 

 
 
 

 

Vegurinn fram að Gautsdal og Ingunnarstöðum og í haust til Hólmavíkur og vesturúr.

Skelfilegar skerðingar eru á þessum vegi. Þetta er agaleg hönnun hjá KK.

Sjáanlega er míkið búið að sprengja við fossin ef vel er gáð.

Þetta er hrillingur að sjá.