Að gefnu tilefni. Aðal myndasíða mín er www.123.is/nonni en ekki þessi blogg síða.

Sveitarfélagið Strandabyggð ætti formlega að bjóða fyrirtæki Soffíu Vagnsdóttur í Bolungarvík v/sumarhúsa og sjóstangveiði að koma til Hólmavíkur. Hér er allt til alls.

Eins og kom fram í Kastljósþætti 11 september síðastliðin var Soffía Vagnsdóttir ásamt bæjarstjóranum í Bolungarvík. Þar kom fram í þættinum að meirihluti bæjarstjórnar Bolungarvíkur sem fer með völdin núna sé ekkert að flýta sér við að skipuleggja og afgreiða mál Soffíu Vagnsdóttur og hennar fólks ásamt þeim manni sem er þýskur að koma með 20 sjóstángs báta og sömuleiðis 20 mini sumarhús sem til stóð að reisa skammt frá höfninni í Bolungarvík. Og að lengdin frá sumarhúsunum til hafnarinnar þar sem bátarnir áttu að vera  mætti helst ekki vera mikið lengra en 300 metrar.

Þeess vegna finst mér það skylda Sveitarstjórnar Strandabyggðar fyrst að Soffía Vagnsdóttir minntist á að það kæmi vel til mála að fara til Hólmavíkur, að Sveitarstjórnin bjóði formlega fyrirtæki Soffíu Vagnsdóttur að koma með þessa fyrrnefnda starfsemi til Hólmavíkur og allan þann mannskap sem mun fylgja svona starfsemi. Það fylgir talsverður fjöldi fólks svona starfsemi, 300 til 500 manns frá snemma vors og langt fram á haust.

Hólmavíkurhöfnin er klár fyrir svona marga báta og sömuleiðis er nægt land fyrir þessi 20 hús. Ég hitti margan mannin og konuna á hverjum degi og margt er minnst á eins og gengur og þar á meðal þetta sérstaka Soffíu Vagns mál, og nær allir eru sammála um það að við sem búum hér við fjörðin ættum í alvörunni að bjóða Soffíu á fund Sveitarstjórnar og bjóða hana ásamt því fyldarliði sem fylgir svona starfsemi hjartanlega velkomið til Hólmavíkur.

Og það yrði að vera búið að gera allt klárt fyrir næsta vor 2009 sem er alveg hægt ef einhver áhugi er þá fyrir því hjá Sveitarstjórn Strandabyggðar. Ég vona það svo sannarlega og veit það að það er mikill áhugi hér á Hólmavík að fá þessa starfsemi og önnur störf til Hólmavíkur ekki veitir af ef við ætlum að stækka og blómstra eins og þegar barn vex eins og gróandin í nátturinni gerir á hverju ári. Slíkan vöxt viljum við Strandamenn að Hólmavík dafni og blómstri í náinni framtíð um ókomin ár. Og ekki má gleyma því að við Vestfirðingar erum að fá splundurnýjan heilsársveg um Arnkötludal og Gautsdal sem verður orðin jeppafær seint í haust og malbikaður næsta sumar. Og þar koma líka tækifæri með tilkomu vegarins, sem við eigum skilirðislaust að nota.

 SPUNDURNÍ GREIN EFTIR SOFFÍU VAGNSDÓTTIR ER HÉR.  Kastljósþátturinn frá 11 september er hér.

                                        Ásamt öllum hinum þrjótunum.

Kíkið á þetta. Er Soffia Vagnsdóttir og hennar fyrirtæki að koma til Hólmavíkur. Klikkið og skoðið þáttin Kastljós.

Í dag þegar ég var að fara með póstinn til Hnitbjarga tók ég myndir frá Víðidalsárræsinu á þjóðvegi 61 og svo frá Hnitbjörgum. Og ég er búin að hugsa það mikið hvernig sé best að loka sjónlínum frá veginum svo og frá Hnitbjörgum og Víðidalsá, þannig að maður sjái ekki hvaða starfsemi fer þarna fram, sum sé á ruslahaugunum. Notum BRETTIN. Já því ekki að nota brettin sem girðingu og raða þeim fallega upp og myndum þannig skothelda og fallega girðingu (umgjörð) eins og myndirnar sýna. Ég legg þessa tillögu fram til Sveitarstjórnar Strandabyggðar um það að BRETTIN verði ekki brotin og grafin, að brettin verði eins og áður er getið notuð sem veggur(girðing) svo að þeir sem fara um vegi sjái ekki hvað er innan girðingarinnar.

Ef eins og ég hef heyrt að hestamenn hafi hug á því að búa til löglegan hesta reiðvöll fyrir neðan ruslahaugana, eða við fjárréttina sem þar er vegna Unglingalandsmóts sem verður haldið 2010, þá verður að vera búið að gera einhvað meira en ekki neitt. Er það skilið, ég veit það best að segja ekki, hvort umráðalið ruslahaugana fatti hvað er ljótt og ógeðslegt, og hvað er flott og fallegt. Ég hvet alla þá sem hafa hug á því að gera þetta svæði sem ég hef minnst á svolítið vistlegra og fallegra en nú er, að tjá sig um ruslahaugana og þá þessa hugmynd almennt sem ég set hér fram. Í mínum huga er það ekki mikið mál gera ruslahaugana 100% fallegri og vistlegri en þeir hafa verið í frá fyrstu tíð. Endilega kommentið á þessa hugmynd, og auðvitað fleiri hugmyndir, ekki veitir af.  Losum okkur við brettin á einfaldan og fallegan, ekki síst á vistlegan hátt.  (Réttavíkin er sér kapituli og er okkur Hólmvíkingjum til skammar) meira um hana síðar.

     100.000

Nú rétt áðan fór heimsóknartalan sem hafa skoðað þessa síðu 123.is/Hólmavík yfir hundrað þúsund frá apríl 2007. Sem gerir liðlega 200 innlit á dag. Ég segi eins og sumir segja, ég er hreint út snortin af öllum þessum fjölda sem nennir að skoða síðuna og það mína. Með framhald síðunar get ég ekkert sagt um en það kemur í ljós á næstu vikum og mánuðum. En samt takk fyrir að nenna að skoða það sem ég set inná þessa Hólmavíkur síðu. Takk fyrir mig.